Мадриднинг "Реал" клуби футболчиси Эдуардо Камавинга "Атлетико"га қарши муҳим ўйин олдидан сафга қайтди.
Франциялик футболчи бу мавсумда ҳали майдонга тушмаган – "Аталанта"га қарши Европа Суперкубоги ўйинидан олдин тиззасидан жароҳат олганди. Marca хабарига кўра, ярим ҳимоячи ниҳоят тузалиб кетди ва "Атлетико" билан Мадрид дербисида иштирок этишга тайёр. Ўйин якшанба куни Тошкент вақти билан соат 00:00да бўлиб ўтади.
Ўтган мавсумда Эдуардо Камавинга Карло Анчелотти жамоасида барча мусобақаларда 46 та ўйинда майдонга тушиб, 4 та голли узатмани амалга оширган.
