"Ливерпул"нинг бразилиялик дарвозабони Алисон Беккер ёшлигида акасининг маслаҳати билан ярим ҳимояда ўйнашга ҳаракат қилгани ҳақида гапириб берди.
"Акам дарвозабон бўлиш қанчалик қийинлигини билар эди ва у менга: "Йўқ, ҳужумга ёки бошқа позицияга ўт. Сени дарвозабон сифатида жуда кўп муаммолар кутмоқда", деди. Мен ярим ҳимояда битта ўйин ўтказдим ва "Йўқ, бу мен учун эмас" дедим. Менга акамнинг дарвозадаги ўйинини кўриш ёқарди, шунинг учун мен ҳам худди шундай позицияни танладим. Менга дарвозабон бўлиш ёқади", - дея Алисоннинг сўзларини келтиради "Ливерпуль" расмий сайти.
Алисон Беккер мерсисайд клубига 2018 йилда "Рома"дан келиб қўшилган эди.
