«Реал Мадрид» ярим ҳимоячиси Орельен Тчуамени «Атлетико Мадрид» билан дербидаги мухлисларнинг хатти-ҳаракатлари ҳақида гапирди.
Испания Ла лигасининг саккизинчи туридан ўрин олган учрашув 1:1 ҳисобида дуранг билан якунланди. Эслатиб ўтамиз, иккинчи бўлимда мухлисларнинг хатти-ҳаракати туфайли учрашув бироз муддат тўхтатилганди.
«Бўлган воқеа футбол учун яхши эмас. Буларнинг барчасини тўхтатишимиз керак. Кўпчилик болалар футбол томоша қилади, шунинг учун бундай хатти-ҳаракатга йўл қўйиб бўлмайди», деди Тчуамени матбуот анжуманида.
