Каталониянинг "Барселона" клуби марказий ҳимоячиси Рональд Араухо яқин келажакда каталонияликлар сафини тарк этиши мумкин. Sport нашри хабарига кўра, уругвайлик футболчи яқин ойларда шартномасини узайтирмаса, катта эҳтимол билан келаси ёзда сотилади.

Араухонинг "Барселона" билан амалдаги шартномаси 2026 йилнинг ёзида якунига етади. Каталония клуби марказий ҳимоячини текинга йўқотмоқчи эмас, идеал ҳолда "блауграна" Рональд билан шартномани узайтирмоқчи.

Эслатиб ўтамиз, Араухога аввалроқ Мюнхеннинг "Бавария" клуби қизиқиш билдирганди. Немислар яқин келажакда ҳимоячи вариантига қайтишлари мумкин.