"Тоттенхэм" бош мураббийи Анге Постекоглу ҳужумчи Тимо Вернернинг танқидига изоҳ берди.
Немис футболчиси жорий мавсумда “шпорлар” сафида еттита ўйин ўтказди, бироқ ҳозирча бирорта ҳам самарали ҳаракатни қайд этмади.
"14 кун олдин менга Бреннан Жонсон ҳақида шу каби саволлар беришди. Вернернинг ўйинига келсак, менимча, у охирги икки ўйинда жуда яхши ўйнади. Ҳа, голлар ҳужумкор ўйинчиларга ёрдам беради, буни биз Бреннан билан кўрганмиз, лекин бу Тимони уларсиз ёмон деб ҳисоблаш мумкин дегани эмас", деди Постекоглу шанба куни “Брайтон”га қарши ўйин олдидан.
