"Манчестер Сити" бош мураббийи Пеп Гвардиола ярим ҳимоячи Кевин Де Брюйненинг жароҳати ҳақидаги саволга жавоб берди.
Белгиялик футболчи "шаҳарликлар"нинг сўнгги тўртта ўйинини ўтказиб юборди ва шанба куни бўлиб ўтадиган "Фулхэм"га қарши учрашувда ҳам иштирок эта олмайди.
"У ўз танасини билади. Ҳар бир футболчи, айниқса, унинг ёшида, операция оқибатлари ҳақида билади. Родри билан ҳам худди шундай бўлади. Агар жароҳат туфайли узоқ вақт ўйнамаган бўлсангиз, эҳтиёт бўлишингиз керак. Кевин дуч келаётган муаммо, бу ўтган мавсумда 5 ойни ўтказиб юборишга мажбур қилган жароҳат оқибатидир", - дейди Гвардиола.
