"Manchester Siti" bosh murabbiyi Pep Gvardiola yarim himoyachi Kevin De Bryuynening jarohati haqidagi savolga javob berdi.

Belgiyalik futbolchi "shaharliklar"ning so‘nggi to‘rtta o‘yinini o‘tkazib yubordi va shanba kuni bo‘lib o‘tadigan "Fulxem"ga qarshi uchrashuvda ham ishtirok eta olmaydi.

"U o‘z tanasini biladi. Har bir futbolchi, ayniqsa, uning yoshida, operasiya oqibatlari haqida biladi. Rodri bilan ham xuddi shunday bo‘ladi. Agar jarohat tufayli uzoq vaqt o‘ynamagan bo‘lsangiz, ehtiyot bo‘lishingiz kerak. Kevin duch kelayotgan muammo, bu o‘tgan mavsumda 5 oyni o‘tkazib yuborishga majbur qilgan jarohat oqibatidir", - deydi Gvardiola.