«Реал» ва «ПСЖ» клубларининг собиқ ҳужумчиси Хесе Родригес «Жоҳор Дарул Тазим»га ўтишга яқин турибди. "Marca" нашри хабарига кўра, Малайзия клуби 31 ёшли испаниялик футболчига таклиф билан чиққан ва у ҳеч иккиланмасдан қабул қилган, чунки у январь ойидан бери жамоасиз эди.

Бу Хесенинг «Реал Мадрид», «ПСЖ», «Лас-Пальмас», «Сток Сити», «Бетис», «Спортинг», «Анкарагюжу», «Сампдория» ва «Коритиба»дан кейин ўнинчи жамоаси бўлади.