"Интер" футболчиси Маркус Тюрам "Торино"га қарши баҳсда (3:2) ажойиб ўйин кўрсатиб, хет-трик қайд этиб, жамоасини муваффақиятга ундади.
Ўзининг шахсий ютуқларига қарамай, Тюрам шон-шуҳратга эмас, балки жамоавий ютуқларга эътибор қаратади.
"Икки ёки учта ўйиндан бери гол урмагандим. Муҳими, жамоа ғалаба қозонди. Бугун гол урдим, бу мен учун яхши.
Энг яхши тўпурар унвони мени қизиқтирмайди. Муҳими, “Интер” ғалаба қозонди ва биз уч очкони қўлга киритдик.
А Сериядаги ҳар бир ўйин қийин. Бизда ажойиб жамоа бор ва биз ҳар доим яхшироқ ўйнашга ҳаракат қиламиз", – деди Тюрам.