"Барселона" янги дарвозабони Войцех Шеснини рўйхатдан ўтказди.
Аввалроқ, 34 ёшли польяк фаолиятини қайта бошлагани ва эркин агент сифатида Каталония клуби билан 2025 йилнинг ёзига қадар шартнома имзолагани маълум бўлганди.
AS нашри хабарига кўра, Марк-Андре тер Штегеннинг жароҳатидан сўнг клуб маошлар устига қўшиб бериладиган қўшимча маблағлардан фойдаланиш имконини берувчи банддан фойдаланиб, Шеснини муваффақиятли рўйхатдан ўтказди.
Польшалик дарвозабон клубнинг эртага Ла Лиганинг 9-тури доирасида бўлиб ўтадиган "Алавес"га қарши навбатдаги учрашуви учун қайдномага киритилиши мумкин.
