"Реал" бош мураббийи Карло Анчелотти Даниэль Карвахалнинг жароҳати ҳақидаги саволга жавоб берди.

Ўнг қанот ҳимоячиси "Вильярреал" билан ўйин (2:0) охирида Йереми Пино билан тўқнашиб кетганидан сўнг тиззасидан жароҳатлаган. 32 ёшли футболчи майдонни замбилда тарк этди.

"Лос-Бланкос" бош мураббийи муаммо жуда жиддий кўринаётганини тасдиқлади: "Карвахаль жиддий жароҳат олди. Биз жуда афсусдамиз. Доктор менга унинг тиззасини жароҳатлаганини айтди. Биз аниқ нима бўлганини ҳали билмаймиз. Тез орада у қўшимча текширувлардан ўтади", - дея италиялик мураббийнинг сўзларини келтиради Madrid Xтра.

Даниэл Карвахаль жорий мавсумда "Реал" сафида 11 та ўйинда майдонга тушиб, 1 та гол ва 1 та голли узатмага муаллифлик қилган.