"Манчестер Сити" ярим ҳимоячиси Кевин Де Брюйне ва "Ливерпуль" вингери Муҳаммад Салоҳ жамоадошига айланиши мумкин. Бу ҳақда TBR Football хабар бермоқда.
Келаси йили МЛСда дебют қиладиган "Сан-Диего" футболчиларни харид қилишга қизиқмоқда. Клуб ҳаммуаллифи Муҳаммад Мансур юлдуз футболчиларнинг трансферини шахсан молиялаштиришга тайёр.
Шу билан бирга, "Сан-Диего" Саудия Арабистони клублари билан рақобатлашишга мажбур бўлишини тушунади. Улар аввалроқ бельгиялик ва мисрлик футболчига катта шартномалар таклиф қилишганди.
Эътиборлиси, ҳар икки футболчининг клублари билан тузган шартномаси жорий мавсум якунига қадар амал қилади. Футболчилар ёзда эркин агентга айланишлари мумкин.
