«Барселона»нинг собиқ спорт директори Эрик Абидаль Френки де Йонг билан қандай музокара олиб борганини тушунтирди.

Нидерландиялик ярим ҳимоячи Каталония клубига 2019 йилнинг ёзида Амстердамнинг «Аякс» клубидан ўтган эди. Трансфер нархи 86 миллион еврони ташкил қилди.

«Аякс» Чемпионлар лигасида «Реал»ни мағлуб этганидан сўнг, кўплаб топ-клублар Френкини сотиб олишни хоҳлашди. У менга «ПСЖ» мураббийи билан гаплашгани ва у ерга боришни режалаштираётганини айтди. Кейин мен жавоб бердим: «Барселона» сени клуб режаси сифатида ўз сафига қўшиб оляпти, бу ерда гап мураббий хоҳишида эмас», - деди 2020 йилда «Барселона» спорт директори лавозимини тарк этган Абидаль.