Бразилия президенти Лула Да Силва маҳаллий чемпионат вакили бўлган футболчиларнинг миллий терма жамоа сафида кам ўйнаётганидан норозилигини билдирди.
"Чет элда ўйнаган футболчилар бу ерда Бразилияда ўйнаётганлардан яхшироқ эмас. Мен узоқ вақтдан бери Бразилия терма жамоасида мамлакатда ўйнайдиган футболчилар бўлиши кераклиги ҳақида баҳслашдим. Маҳаллий футболчиларга имконият бериш керак.
Мен диванда ўтириб, Чили билан Жаҳон чемпионати саралашида ўйинни томоша қилдим. Мен дарвозабон Эдерсон, Маркиньос, Родриго ва Рафиняни соч турмагидан танидим", - дейди Да Силва.
