Поль Погба допинг учун қўйилган тақиқ қисқартирилгач, ўз ҳис-туйғулари билан ўртоқлашди.
"Ювентус" ярим ҳимоячиси антидопинг қоидаларини бузгани учун 4 йиллик дисквалификацияга учраганди. Суд қоидабузарликни тан олди, аммо жазо муддатини 18 ойга қисқартирди.
"Мен САS қароридан жуда мамнунман. Мен ҳеч нарса қилмадим - нега менга тўрт йил берилди? Мен энг яхши кўрган нарсамга қайтишим мумкин.
Албатта, биз Дидье Дешам билан алоқада бўлиб турдик. У ҳар доим мени қўллаб-қувватлаган, ҳатто бу вазиятдан олдин ҳам. Мен ундан жуда миннатдорман.
Гўё менга яна бир имконият берилган, мендан олинган нарса қайтарилгандек бўлди. Бу ҳаётдаги янги босқич. Март тезда келади ва мен буни интиқлик билан кутяпман.
