"Атлетико Мадрид"нинг фаол мухлислари бўлажак сафар ўйинларига кела олмайди.

Мадрид клуби кейинги бешта сафар ўйини - Ла Лигада "Реал Бетис" ва "Мальорка", Испания Кубогида "Вик" ҳамда Чемпионлар Лигасида "ПСЖ" ва "Спарта"га қарши ўйин учун мухлислар секторидаги абонемент эгаларига чипта сотмаслигини маълум қилди. "Атлетико" ўз қарорини сўнгги ўйинларда мухлисларнинг хатти-ҳаракати учун клубга нисбатан санкциялар билан изоҳлади.

Эслатиб ўтамиз, 29-сентябрь куни “Реал” билан бўлиб ўтган дерби натижаларига кўра, клуб 3 та уй учрашуви учун трибунани қисман ёпиш билан жазоланган эди.