Дарвозабон Войцех Шесни яқин кунларда "Барселона" сафида дебют қилиши мумкин.
34 ёшли футболчи фаолиятини қайта тиклади ва октябрь ойи бошида "блауграна" билан шартнома имзолади. Польяк ёздан бери машғулот ўтказмаганди ва формага кириш учун интенсив машғулотларга муҳтож эди. RAC1 маълумотларига кўра, айни дамда Шесни майдонга киришга 100 фоиз тайёр. Дарвозабон 20 октябрь куни бўлиб ўтадиган "Севилья"га қарши Ла Лига ўйинида "Барселона"даги дебютини ўтказишга умид қилмоқда.
Нафақага чиқишидан олдин Войцех Шесни "Ювентус"да етти йил ўйнади ва у билан август ойида ўзаро келишув асосида шартномани бекор қилди.
