Лиссабоннинг "Спортинг" клуби бош мураббийи Рубен Аморим "Манчестер Сити"га ўтиши ҳақидаги миш-мишларни рад этди.
Мавсум якунида спорт директори Угу Виана “Манчестер Сити”даги вазифага киришади ва “Этиҳад”ни тарк этаётган Чики Бегиристайн ишини давом эттиради.
Шу сабабли, Виана Аморимни ўзига таклиф қилиши мумкинлиги ҳақида миш-мишлар пайдо бўлди, чунки "шаҳарликлар" бош мураббийи Пеп Гвардиоланинг шартномаси мавсум охирида якунига етади.
Бир пайтлар айнан Виана Аморимни “Спортинг”га таклиф қилган, аммо Рубен келажаги ҳақида қарор қабул қилишда ҳамкасбига таянмоқчи эмас.
"Угу Виана ва менинг йўлларимиз бошқача ва алоҳида. Унинг тайинланиши "Манчестер Сити"га кетаётганимни англатмайди. Бизда профессионал муносабатлар жуда яхши", - деди Аморим Sky Sports билан суҳбатда.
