Куз-баҳор тизимида ўтказиб келинадиган футзал бўйича Ўзбекистон Олий лигаси мамлакатимиз мезбонлик қилган Жаҳон чемпионати ҳамда унда қайд этилган натижа фонида босқичма-босқич ислоҳ қилинади. Ассоциация ҳамда Лига бу борада ўрганиш ишларини бошлади.
Унга қадар эса 2024/25 йилги футзал мавсуми бир давралик тизимда келаси йилнинг январь ойи якунига қадар ўтказилади. Бунда Олий лиганинг 12 иштирокчиси ўзаро бир мартадан куч синашиши таъминланади ва якунда ғолиб аниқланади. Унга қадар эса Ассоциация ҳамда Лига футзални янги босқичга олиб чиқиш чора-тадбирларини ишлаб чиқиши кўзда тутилган.
Мусобақага 21 октябрь куни қуръа ташланади. Жараён 15:00 дан бошлаб Лига расмий саҳифалари орқали жонли эфирга олиб чиқилади. 1-тур беллашувлари эса 28 октябрь куни старт олади ва унга Тошкентдаги «Юнусобод» СМ мезбонлик қилади.
