Нури Шаҳин нима учун "Боруссия"нинг Мадридда машғулот ўтказмасликка қарор қилганини тушунтирди.
Аввалроқ, Дортмунд клуби кузатувлардан қўрқиб, эртанги Чемпионлар лигасининг 3-тур ўйини олдидан "Реал Мадрид" майдонида машғулот ўтказмаслиги ҳақида маълумотлар пайдо бўлганди.
– Нима учун жамоа Дортмундда машғулот ўтказди? Бу рақибнинг кузатуви билан боғлиқми?
"Келгуси ҳафталарда бизни кўплаб сафар ўйинлари кутиб турибди ва биз ўз имкониятларимиздан унумли фойдаланмоқчимиз.
Мен рақибнинг кузатуви ҳақида ўқиганман, лекин бу билан боғлиқ эмас. Бугун биз таҳлил қилиш учун ҳар қандай видео ёзувлардан фойдаланиш имкониятига эгамиз. Мен шунчаки футболчиларга уйда бироз кўпроқ вақт беришни хоҳлардим", – деди Шаҳин.
