Мадриднинг “Реал” клуби ҳимоячиси Даниэль Карвахаль бугун, 22 октябрь куни бўлиб ўтадиган “Боруссия Дортмунд” билан Чемпионлар лигаси ўйини олдидан жамоа футболчиларининг машғулотларини кузатди. Испаниялик футболчи Карло Анчелотти билан мураббийлик курсисида ўтирди.
"Карвахаль "Реал Мадрид"да тикланиш жараёнини бошлади", - дейилади Мадрид клубининг ижтимоий тармоқларида.
Эслатиб ўтамиз, Дани "Вильярреал" билан ўйин (2:0) якунида тиззасидан жиддий жароҳат олганди. Кейинчалик у жарроҳлик амалиётини ўтказди.
