"Астон Вилла" клуби бош мураббийи Унаи Эмери УЕФА Чемпионлар лигаси умумий босқичи 3-турида "Болонья" билан ғалабали ўйиндан сўнг ўз фикрларини билдириб ўтди. Инглиз клуби 2:0 ҳисобида ғалабани нишонлади.
"Биз майдонда максимал концентрация билан ишлаймиз. Жамоа ўйиндан-ўйинга тараққиётни кўрсатмоқда. Учрашув бошида бир нечта қарши ҳужумларни ўтказиб юбордик, шундан сўнг хулоса чиқардик. Сафарда ҳам, уйда ҳам еврокубокларда ўйнаш осон эмас. Шунинг учун сиз бутун 90 дақиқа давомида ўз режангизга амал қилишингиз керак", - деди испаниялик мураббий.
