«Барселона» бош мураббийи Ханс-Дитер Флик клубга юқори даражадаги трансферни амалга оширишда ёрдам бериши мумкин.

«Блауграна» мавсум охирида «Бавария» билан шартномаси тугайдиган Альфонсо Дэвисни олиб келмоқчи. «Реал Мадрид» канадалик учун курашда фаворит саналади, аммо "Diario Sport" хабарига кўра, Флик чап қанот ҳимоячисини «Барселона»га ўтишга кўндира олади.

Немис мутахассиси футболчи билан «Бавария»да бирга ишлаган вақтларидан бери яхши муносабатда бўлиб келган ва каталонияликлар раҳбарияти бу омил «Реал» билан курашда ғалаба келтиришини кутмоқда.