Альфонсо Дэвис «Бавария»ни тарк этиши мумкин.
Инсайдер Фабрицио Романонинг сўзларига кўра, немис клуби ҳимоячининг янги шартномаси бўйича ҳеч қандай муваффақиятга эришмаган. Унинг амалдаги шартномаси 2025 йилнинг июнида якунига етади.
Барча томонлар 23 ёшли футболчининг клубни эркин агент сифатида тарк этишига ишонишади. Вазиятни ўзгартириш учун «мўъжиза» керак бўлади.
Ҳозирда клуб ва футболчи ўртасидаги вазият кескин ва оғир деб таърифланмоқда. Манбаларнинг таъкидлашича, канадаликнинг қолиш эҳтимоли 10% дан ошмайди.
Жорий мавсумда Дэвис Бундеслигада 6 та ўйин ўтказди.
