Антонио Рюдигер ва Лукас Васкес "класико"дан кейин мушакларда муаммога дуч келишмоқда.
Кеча "Реал" Ла Лиганинг 11-тури доирасида "Барселона"га ютқазди (0:4). "Лос-Бланкос"нинг иккала футболчиси ҳам бутун ўйинни майдонда ўтказди.
Marca нашрининг ёзишича, германиялик ҳимоячининг аҳволи дискомфортга учраган испанияликникидан ҳам ёмонроқ.
Ҳар икки футболчи ҳам тез орада тиббий кўрикдан ўтиши ва жароҳатларининг оғирлигини аниқлаши кутилмоқда.
Шундан сўнг уларнинг яқин кунларда машғулотларда иштирок этиши бўйича режалар тузилади.
