“Рома” бош мураббийи Иван Юрич навбатдаги муваффақиятсизликдан сўнг истеъфога чиқарилиши мумкин.
Якшанба куни римликлар А серия доирасида сафарда “Фиорентина”дан йирик ҳисобда мағлубиятга учради (1:5).
Инсайдер Николо Скиранинг сўзларига кўра, Юричнинг клубда қолиши сўроқ остида – хорватиялик истеъфога чиқарилиши мумкин.
"Рома" раҳбарияти бу масалани фаол муҳокама қилмоқда.
"Бўрилар" мураббийи лавозимига асосий номзод сифатида Даниэле де Росси кўриб чиқилмоқда, унинг ўрнига сентябрь ойида Юрич тайинланганди.
Машҳур италиялик собиқ ярим ҳимоячи мавсум охиригача бошқа итальян клубида ишлаш ҳуқуқига эга эмас, шунинг учун у ҳеч қандай муаммосиз қайтишга рози бўлса керак.
