“Roma” bosh murabbiyi Ivan Yurich navbatdagi muvaffaqiyatsizlikdan so‘ng iste’foga chiqarilishi mumkin.
Yakshanba kuni rimliklar A seriya doirasida safarda “Fiorentina”dan yirik hisobda mag‘lubiyatga uchradi (1:5).
Insayder Nikolo Skiraning so‘zlariga ko‘ra, Yurichning klubda qolishi so‘roq ostida – xorvatiyalik iste’foga chiqarilishi mumkin.
"Roma" rahbariyati bu masalani faol muhokama qilmoqda.
"Bo‘rilar" murabbiyi lavozimiga asosiy nomzod sifatida Daniele de Rossi ko‘rib chiqilmoqda, uning o‘rniga sentyabr oyida Yurich tayinlangandi.
Mashhur italiyalik sobiq yarim himoyachi mavsum oxirigacha boshqa italyan klubida ishlash huquqiga ega emas, shuning uchun u hech qanday muammosiz qaytishga rozi bo‘lsa kerak.
