"Реал Мадрид" ярим ҳимоячиси Арда Гюлер фаолиятини Англия чемпионатининг топ-клубида давом эттириш имкониятига эга. Бу ҳақда Todofichajes портали саҳифаларида хабар берилди.
Манбага кўра, 19 ёшли туркиялик футболчининг трансферига "Ливерпуль" қизиқиш билдирмоқда. "Мерсисайдликлар" раҳбарияти футболчини сотиб олиш учун 70 миллион евро ажратишга тайёр. Бундай товон пули "Қироллик клуби" бошлиқларига тўғри келмайди.
"Лос-Бланкос" камида 80 миллион билан музокаралар бошлаш ниятида. Арда ўтган ёзда Мадрид клубига ўтган эди. Турк олти йиллик меҳнат шартномасини имзолади. Transfermarkt портали унинг нархини 45 миллион еврога баҳоламоқда.
