Лондоннинг “Арсенал” клуби яқин кунларда украиналик дарвозабон Владислав Крапивцов билан шартнома имзолайди, деб хабар беради журналист Игорь Бурбас.
Манба берган хабарга кўра, 19 ёшли футболчи ўтган ҳафтадаёқ "канонирлар" билан машғулотларни бошлаб юборган.
Крапивцов "Днепр" клуби битирувчиси. Ўтган мавсумда у "Днепр-1" ёшлар жамоасида ўйнаб, U-19 чемпионатида 25та ўйин ўтказди. Жамоа УПЛдан чиқарилгандан сўнг, Крапивцов эркин агент мақомини олди ва Харьковда мустақил равишда формасини сақлаб турди.
Эслатиб ўтамиз, ёзда Владислав Крапивцов "Челси"нинг кўригида иштирок этган ва "кўклар" у билан шартнома имзоламоқчи бўлган, бироқ клуб футболчини рўйхатдан ўтказиш имконияти бўлмагани учун трансфер амалга ошмаганди.
