"Реал Мадрид" директори Эмилио Бутрагеньо 2023/2024 йилги мавсум учун "Олтин тўп"ни топшириш маросимида "Лос Бланкос"нинг ягона вакили бўлади. Бу ҳақда журналист Рамон Альварес де Монт ижтимоий тармоғида хабар берди.

Аввалроқ, "Реал" делегацияси, жумладан, футболчилар Жуд Беллингем, Винисиус Жуниор ва клуб президенти Флорентино Перес “Олтин тўп”ни топшириш маросими учун Францияга, Парижга парвозларини бекор қилгани ҳақида маълумот берилган эди. Шунингдек, “Манчестер Сити” ярим ҳимоячиси Родри 2023/2024 йилги мавсумда дунёнинг энг яхши футболчиси сифатида этъироф этилиши хабар қилинганди.

Эслатиб ўтамиз, бугун, 28 октябрь куни France Football 2023/2024 йилги мавсум учун "Олтин тўп"ни топширади. Маросим Сена қирғоғидаги худди шу номли майдонда жойлашган "Шарли" театрида бўлиб ўтади.