Харри Кейн Килиан Мбаппенинг "Олтин тўп" совринини топшириш маросимига келмагани ҳақида гапирди.
"Бавария" ва "Реал Мадрид" ҳужумчилари France Football томонидан мавсумнинг энг яхши тўпурари учун бериладиган Герд Мюллер кубогини бўлишишди. Франциялик футболчи маросимга келмади.
"Маросимда қатнашмаслик унинг шахсий қарори. Иккаламиз ҳам жуда яхши мавсум ўтказдик ва у ҳам мен каби 52 та гол урди. Мен ушбу мукофотни қўлга киритганимдан фахрланаман.
Ундан нега бу ерда йўқлигини сўрашингиз керак бўлади, лекин барибир бугун кечқурун шу ерда бўлишдан фахрланаман", деди инглиз футболчиси.
