Душанба куни Эрик тен Хаг "Манчестер Юнайтед" бош мураббийлигидан бўшатилди. "Ливерпуль" бошқарувчиси Арне Слот бу борада фикр билдирди.
"Тен Хаг нидерландиялик, шунинг учун менга қийинроқ. Тен Хагни озгина биламан ва у ўз ишига қанча меҳнат қилганини биламан. Бу янгиликни эшитганимдан афсусдаман. Унинг “Аякс”и қанчалик яхши ўйнаганини эслаймиз. "Манчестер Юнайтед"да эса иккита совринни қўлга киритди. Ўйлайманки, биз яқин орада уни яна катта клубда кўрамиз", деди Слот матбуот анжуманида.
Рубен Аморим "Манчестер Юнайтед"нинг янги бош мураббийи бўлиши кутилмоқда.
