Италия чемпионатида ўнинчи тур ўйинлари бошланди, “Милан” ўз майдонида “Наполи”ни қабул қилди ва 0:2 ҳисобида мағлуб бўлди.

Бу ўйиндаги иккинчи голни грузиялик ҳужумчи Хвича Кварацхелия жарима майдончаси ташқарисидан зарба йўллаб, киритди.

У “Сан-Сиро”да гол уришни узоқ вақтдан бери орзу қилганини тан олди.

"Мен жуда мамнунман. Мен бу дақиқани анчадан бери кутгандим. Скудетто? Биз яна ғалаба қозонишимизга ишонамиз.

Лекин кўп иш қилиш кераклиги аниқ”, - дея Кварацхелиянинг сўзларини келтиради pianetamilan.it.