"Бавария" бош мураббийи Венсан Компани Чемпионлар лигасидаги муваффақиятсизликдан сўнг ўз ғояларидан чекинмоқчи эмас. Ўтган чоршанба куни мюнхенликлар "Барселона" билан меҳмонда йирик ҳисобда мағлубиятга учради - 1:4.

Sport Bild хабарига кўра, ўйиндан сўнг Компани шундай деди: "Чемпионлар лигасида ҳеч нарса ҳал қилинмаган, бу янги формат. Биз сабоқ олишимиз керак. Биз режамизга содиқ қолишда давом этамиз".

Чемпионлар лигасининг дастлабки уч турида иккита мағлубиятга учраган бўлса-да, мураббий ўз ўйин услубидан четга чиқмаслигини аниқ айтиб ўтди.