Бош мураббий Рубен Аморим "Спортинг"дан "Манчестер Юнайтед"га ўтиши кутилмоқда. Бир кун аввал лиссабонликлар расмий хабарида "қизил иблислар"нинг Аморимни 10 миллион еврога сотиб олиш вариантини фаоллаштириш нияти борлигини тасдиқлаган эди.
A Bola хабарига кўра, "Спортинг" "Манчестер Юнайтед"дан Аморим мураббийлар штаби аъзоларини қўйиб юбориш учун қўшимча 5 миллион евро сўрамоқда. Бундан ташқари, лиссабонликлар Аморимнинг зудлик билан "Олд Траффорд"га ўтиши учун қўшимча ҳақ сўрамоқда. Рубеннинг шартномасига киритилган сотиб олиш варианти унинг "Спортинг"да қўшимча 30 кун ишлашда давом этишини кўзда тутади.
