"ПСЖ" ҳужумчиси Рандал Коло-Муани келаси йили клубини ўзгартириши мумкин.

25 ёшли футболчи Луис Энрике жамоасида камдан-кам ҳолларда асосий таркибда майдонга тушади, шу боис французнинг яқин орада сотилиши ҳақидаги миш-мишлар тинмаяпти. Transfer News Live нашрига таяниб Fichajes хабарига кўра, "Ньюкасл" Коло-Муанини сотиб олиш вариантини кўриб чиқмоқда. "Қарғалар" агар Александр Исакни сақлаб қола олмасалар, парижлик ҳужумчини 2025 йилнинг ёзида қўлга киритишга ҳаракат қилишлари кутилмоқда.

Ўтган йили "ПСЖ" Рандал Коло-Муани учун Франкфуртнинг "Айнтрахт"ига 95 миллион евро тўлаганди. Transfermarkt портали маълумотларига кўра, футболчининг ҳозирги нархи 40 миллион еврони ташкил қилади.