“Бурирам Юнайтед” – “Бунёдкор” учрашуви расмийлари ва ҳар иккала жамоа менежерлари иштирокида ўйинолди йиғилиш бўлиб ўтди.

Уни учрашув комиссари, тожикистонлик Давлатмурод Исломов олиб борди.

Йиғилиш муҳокамасига кўра “қалдирғочлар” эртанги баҳсда оқ формада тўп тепадиган бўлдилар. Дарвозабонимиз яшил рангли либослар кияди.

Бенжамин Уильямс бошчилигидаги ҳакамлар гуруҳи сариқ  формаларда кўриниш беради.

Сариқ карточкалари сони иккитани ташкил этиб турган футболчилар – Акмал Шораҳмедов (“Бунёдкор”) ва Кармело Гонсалес ва Сучао (“Бурирам Юнайтед”) қайдномага киритилмаслиги алоҳида таъкидлаб ўтилди.

Эслатиб ўтамиз, “Бурирам Юнайтед” – “Бунёдкор” учрашуви 14 май куни Тошкент вақти билан соат 16:00да бошланади.

Мирзаҳаким Тўхтамирзаев,
Бурирам, Таиланд