Футбол бўйича Тожикистон терма жамоаси Россияга қарши ўртоқлик ўйини ўтказишга тайёр.
“Кейинги йилда бир нечта ўртоқлик ўйинлари ўтказиш бўйича расмий келишув бўлгани йўқ, аммо РФИ билан доимо бу мавзуда алоқада бўлиб турибмиз.
Бизда яқин келажакда уй ва меҳмонда Россияга қарши ўйин ўтказиш ғояси бор. Жамоамиз исталган пайтда Россия билан ўйнашга тайёр.
Бироқ ҳамон ўйинлар санаси бўйича гаплашганимиз йўқ. Кейинги йилда ҳам “ФИФА кунлари” кўп бўлади, балки ўша кунларнинг бирида биз ўртоқлик ўйини ўтказармиз. Ҳа, бу ўйинни ташкил этилиш эҳтимоли бор”, — дейди Тожикистон футбол федерацияси бош котиби Фурхат Аҳмеджанов.
Октябрь ойидаги ФИФА танаффусида Россия терма жамоаси Покистон термаси билан ўйнаши керак эди, бироқ рақиб ўртоқлик учрашувидан бош тортди. Натижада Валерий Карпин шогирдлари йиғинни ўйинсиз ўтказди.
