"Ливерпуль" ва "Манчестер Юнайтед" "Барселона"нинг 21 ёшли ярим ҳимоячиси Марк Касадога қизиқиш билдирмоқда.
Манбага кўра, ушбу клубларнинг скаутлари Касадонинг майдонни кўра олишини ва ярим ҳимоя чизиғида ўйинни назорат қила олишини қайд этишмоқда.
Жорий мавсумда 21 ёшли ярим ҳимоячи барча мусобақаларда 13та ўйинда иштирок этиб, бешта голли узатмани амалга оширди.
Футболчининг клуб билан амалдаги меҳнат шартномаси 2028 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
