«Реал Мадрид» вингери Винисиус Жуниор Чемпионлар лигаси умумий босқичи 4-тур учрашувида «Милан» дарвозасига гол урди.
Ушбу гол эвазига бразилиялик футболчи 2022/2023 йилги мавсумдан буён Чемпионлар Лигасининг 26 та ўйинида гол+пас тизимидан фойдаланган ҳолда 26 очко жамғарган бўлиб, бу даврдаги барча футболчилар орасида энг яхши кўрсаткич ҳисобланади. Бу ҳақда "Squawka" хабар бермоқда.
Умуман олганда, 24 ёшли футболчи Чемпионлар лигасида 60 та учрашувда қатнашиб, 25 та гол ва 22 та голли узатмани амалга оширган. «Қироллик клуби» таркибида Винисиус икки марта Европанинг асосий клуб турнирида ғолиб чиқди.
