Футбол бўйича Осиё чемпионлар лигаси 2-мусобақасининг ғарбий минтақасида тўртинчи тур учрашувлари ўтказилмоқда.
Биз учун аҳамиятлиси, ушбу турда "Насаф" клуби Қарши шаҳридаги "Марказий" стадионида "Ал Ҳусайн" жамоасига қарши навбатдаги ўйинини ўтказади. Бу учрашув маҳаллий вақт билан соат 19:00 да бўлиб ўтади.
Учрашувда "Насаф" тўлиқ қизил рангли спорт формасида, "Ал Ҳусайн" эса сариқ ва қора рангли либосда майдонга тушади. Мазкур беллашувни суриялик ҳакамлар бошқариб боради.
Эслатиб ўтамиз, Осиё чемпионлар лигаси 2-мусобақасининг “D” гуруҳидан ўрин олган "Ал Ҳусайн" – "Насаф" жамоалари ўртасидаги биринчи ўйин 2:1 ҳисобида якунланган эди. Умид қиламизки, мамлакатимиз шарафини ҳимоя қилаётган “Насаф” клуби ушбу мағлубиятга муносиб жавоб бера олади.
Айни дамда гуруҳда “Шабаб Ал-Аҳли” ва "Ал Ҳусайн" 6 очко билан гуруҳ пешқадамига айланган. “Насаф” эса 4 очко билан учинчи ўринга жойлашди. “Кувайт СК” уч ўйиндаги мағлубият эвазига сўнгги поғонада қолди.
