"Манчестер Сити" бош мураббийи Пеп Гвардиола "Манчестер Юнайтед" билан Чемпионлар лигасидаги ўйинларни имконсиз деб ҳисоблайди. Мутахассис бу фикрини манкунианликлар бош мураббийлигига Рубен Аморим тайинлангани муносабати билан билдирди.
"Биз улар билан икки марта Премер-лигада ва эҳтимол Англия кубогида учрашамиз. Чемпионлар лигасида бунинг иложи йўқ", - дея Гвардиоланинг сўзларини келтирган BBC.
"Манчестер Сити" Чемпионлар лигаси умумий босқичи 4-тур учрашувида Рубен Аморим бошчилигидаги "Спортинг"га сенсацион тарзда мағлуб бўлганди (1:4). Аморим 10 ноябрь якшанба куни ўз лавозимини тарк этади ва расман “Манчестер Юнайтед”га ўтади.
