Чемпионлар лигасида ҳафтанинг энг яхши футболчиси маълум бўлди.
Кутилганидек, “Спортинг” ҳужумчиси Виктор Дьёкереш энг яхши деб топилди. Бу ҳақдаги малумотлар УEФА расмий сайтида элон қилинган.
Сешанба куни швециялик футболчи "Манчестер Сити"га қарши уй учрашувида хет-трик қайд этди. Лиссабонликлар ўз майдонида рақибини 4:1 ҳисобида мағлуб этди.
Эслатиб ўтамиз, “Спортинг” ҳозирда Чемпионлар лигаси турнир жадвалида иккинчи ўринда бормоқда.
Рубен Аморим шогирдлари пешқадам “Ливерпул”дан икки очко ортда қолмоқда (10 ва 12). Айтганча, кейинги ҳафтадан бошлаб Аморим “Манчестер Юнайтед”ни бошқаради.
