"Ювентус" Эдон Жегровага қизиқиш билдирмоқда.
Tuttosport нашри хабарига кўра, туринликлар Чемпионлар лигасидаги жамоаларнинг ўйинидан (1:1) кейин "Лилль" вингерига яна қизиқиш билдиришган.
Унда футболчи голли узатмани амалга оширди, тўп учун курашларнинг ярмидан кўпида ғалаба қозонди ва ўн иккитадан саккизта муваффақиятли дриблингни амалга оширди.
Италия клуби футболчини ўтган ёзда сотиб олмоқчи эди, лекин "Лилл"нинг талабларини жуда юқори деб ҳисоблади ва Франсишку Консейсауни ижарага олишни танлади.
Жегрованинг клуб билан амалдаги шартномаси 2026 йилгача мўлжалланган. Қайд этилишича, косоволик футболчи Францияда ўзини кўрсатмоқчи ва кейин Европанинг етакчи клубларига ўтиш имкониятларини ўрганмоқчи.
