"Атлетико Мадрид" дарвозабони Ян Облак фаолиятини Франция чемпионатида давом эттириши мумкин. Бу ҳақда Todofichajes портали журналистлари хабар бермоқда.
Манбага кўра, Франциянинг "ПСЖ" Облакни ўз сафига қўшиб олишни режалаштирган. Парижликлар италиялик Жанлуижи Доннарумманинг ўйинидан норози ва унга ўринбосар қидирмоқда. "ПСЖ"нинг трансферлар рўйхатида Облакдан ташқари белгиялик дарвозабон Тибо Куртуа ҳам бор.
Ян 2014 йилнинг ёзидан буён "матрасчилар"да ўйнаб келмоқда. Словениялик ва "Атлетико" ўртасидаги амалдаги меҳнат шартномаси муддати 2028 йилгача.
