Шанба куни “Манчестер Сити” Англия Премьер-лигаси доирасида “Брайтон”га қарши сафар ўйинини ўтказади. "Шаҳарликлар" бош мураббийи Пеп Гвардиола энг яқин рақиби ҳақида гапирди.
"Уларнинг ўйинидан қойил қолдим. Улар яхши ўйинчилар билан шартнома имзоладилар ва Хюрцелер ақл бовар қилмайдиган ишни бажармоқда. "Ливерпул"га қарши ўйинда зўр ўйнашди, аммо натижага эриша олишмади. Грем Поттер давридан бери "Брайтон" ҳамиша уйда ҳам, меҳмонда ҳам кучли. Кейинги ўйин ҳам бундан мустасно бўлмайди", — деди Гвардиола журналистларга.
АПЛ доирасидаги "Брайтон" - "Манчестер Сити" учрашуви 9 ноябрь куни Тошкент вақти билан соат 22:30да бошланади.
