"Брайтон" бош мураббийи Фабиан Хюрцелер "Манчестер Сити" устидан қозонилган ғалаба (2:1) қандай қўлга киритилганини тушунтириб берди.
"Фаолиятимдаги энг яхши ғалабами? Олдинги клубларда катта тажрибага эга бўлдим, шунинг учун бугунги ғалабани энг яхшиси деб айтмаган бўлардим, лекин бу муҳим.
Танаффусда футболчиларга тўпга эга бўлганимизда сабр қилишимиз ва "Сити"ни ҳаракатга мажбурлашимиз кераклигини айтдим. Биринчи бўлимда биз жуда кўп вертикал узатмаларни амалга оширдик ва тўпни жуда осон бердик. Ўзгартиришлар ажойиб ишлади. Захирадан майдонга тушаётганда ўз таъсирини ўтказа оладиган ўйинчиларга эга бўлиш жуда фойдали", - дея Хюрцелернинг сўзларини келтиради BBC.
