"Brayton" bosh murabbiyi Fabian Xyurseler "Manchester Siti" ustidan qozonilgan g‘alaba (2:1) qanday qo‘lga kiritilganini tushuntirib berdi.
"Faoliyatimdagi eng yaxshi g‘alabami? Oldingi klublarda katta tajribaga ega bo‘ldim, shuning uchun bugungi g‘alabani eng yaxshisi deb aytmagan bo‘lardim, lekin bu muhim.
Tanaffusda futbolchilarga to‘pga ega bo‘lganimizda sabr qilishimiz va "Siti"ni harakatga majburlashimiz kerakligini aytdim. Birinchi bo‘limda biz juda ko‘p vertikal uzatmalarni amalga oshirdik va to‘pni juda oson berdik. O‘zgartirishlar ajoyib ishladi. Zaxiradan maydonga tushayotganda o‘z ta’sirini o‘tkaza oladigan o‘yinchilarga ega bo‘lish juda foydali", - deya Xyurselerning so‘zlarini keltiradi BBC.
