2001 йилги жаҳон чемпионати совриндори украиналик боксчи Вячеслав Узелков 45 ёшида вафот этди.
Бу ҳақда Украина бокс федерациясининг Facebook'даги саҳифасида хабар қилинган. Унинг ўлими сабабига аниқлик киритилмаган.
Узелков 2001 йилда Бельфастда бўлиб ўтган жаҳон чемпионатида 91 килограммгача бўлган вазн тоифасида ярим финалда британиялик Девид Хейга ютқазиб, бронза медалини қўлга киритган эди. Кейинги йили боксчи Европа чемпионатида иккинчи бўлди.
Узелков профессионал фаолиятини 2004 йилда бошлаган. Унинг рекордида 30 ғалаба ва тўртта мағлубият бор. Украиналик спортчи шунингдек, WБА ва WБО йўналишлари бўйича қитъалараро чемпионлик унвонига эга.
