"Барселона" келажакда ҳужумчи Роберт Левандовскининг ўрнини босадиган футболчи ҳақида ўйламоқда.
Польшалик футболчи жорий мавсумни ажойиб ўтказмоқда, аммо келаси ёзда ўзининг 37 ёшини нишонлайди. Transfer News Live нашрига таяниб, El Nacional хабарига кўра, каталонияликлар "Порту" ҳужумчиси Самуэль Омородионни қисқа рўйхатга киритган. 20 ёшли испаниялик Левандовскининг ўрнини босувчи футболчи сифатида кўрилмоқда. Келишув мавсум якунланганидан кейин амалга ошиши мумкин.
Омородион шу йилнинг август ойида "Атлетико Мадрид"дан "Порту"га кўчиб ўтганди. "Аждарлар" сафида 13 учрашувда футболчи 12 та гол урган.
